ناټو له افغانستانه د وتلو په اړه په خپلو تجربو بحثونه کوي
۱۴۰۰ مهر ۲۹, پنجشنبه
د ناټو دفاع وزیران نن پنجشنبه ( اکتوبر ۱۲) په بيړه او د ګډوډۍ په حال کې د دغو ځواکونو وتلو په اړه چې څه درسونه ترې زده شوي دي غونډه جوړوي .
د دې غونډې له پیلیدو مخکې چې د اروپا پر وخت ۲ بجې په بروکسل کې پیلیږي او دوه ورځې به دوام وکړي، د ناټو عمومي منشي ینس ستولتنبرگ متحده ایلاتو او اروپایانو غوښتي چې له شخړې ډډه وکړي .
په دغې غونډه کې به د امريکا متحده ایالاتو د دفاع وزیر لوید آستین او د آلمان د دفاع وزیره انه گریت کرامپ کارنباور هم ګډون وکړي .
امریکايي ځواکونه له افغانستانه ووتل؛ طالبان خپله بریا لمانځي
وروسته له هغې چې امریکا بیړنۍ پریکړه وکړه او خپل ځواکونه یې له افغانستانه وویستل دا چې له اکمالاتي پلوه د ناټو غړي هیوادونه هم پر امریکا تکیه وه دوئ هم خپل ځواکونه وویستل .
په اروپایي ټولنه کې د دې غوښتنه ډیره شوې چې اروپا باید پرته له امریکا په خپلواکه ډول خپل کارونه وکړي په ځانګړي ډول فرانسه چې په همداسې یوې لویې ستراتیژۍ کار او ټینګار کوي.
ټاکل شوې په دغه اوسنۍ غونډه کې پر يوې نوې ستراتیژۍ چې د ناټو د مشرانو په راتلونکې غونډه کې به په مادرید کې تصویب شي، هم خبرې وشي .د غه غونډه به د راتلونکي کال د جون په میاشتې کې ترسره شي.