شخړي
مظاهره کوونکو د پروان سړک تړلی دی
۱۳۹۷ آذر ۲, جمعه
اعلان
مظاهره کوونکي وایي چې د افغان ځانګړو ځواکونو د عملیاتو په ترڅ کې د ناټو هوایي برید شوی دی چې د جمعې په ورځ ېې درې کسان وژلي دي.
دا په داسې حال کې ده چې په کابل کې د ناټو ځواکونو ویانده دیبرا ریچردسن، وایي چې په تیرو درو ورځو کې په پروان کې د ناټو او یا هم امریکایي ځواکونو له خوا کوم فعالیت نه دی شوی.
د پروان د والې ویاندې وحیدې سحر، اسوشیتد پرس خبري آژانس ته ویلي دي چې ځایی حکومت اوس له مظاهره کوونکو سره په خبرو بوخت دی چې لاري پرانیستل شي. هغې د پیښې په اړه د پلټنو خبره هم کړې ده.
د چهارشنبې په ورځ هم افغان ځانګړو ځواکونو په لوګر ولایت کې د ناټو د هوایي برید غوښتنه وکړه. په دې پیښه کې لس کسان وژل شوي خو تر اوسه پوري لا روښانه نه ده چې څو کسان پکښې ملکیان دي.