د ۲۰۲۱ کال د حيواناتو تر ټولو حيرانونکي او خندونکي انځورونه

د ژويو د کامیډي جايزې د ۲۰۱۵ کال راهيسې وېشل کيږي او په ميليونو انسانان يې اوس تعقيبوي. هغه طبيعت ته يوه غير جدي کتنه ده. د خټو د دغو کبانو عکس چوهان لي له ټايوان څخه اخیستی دی.

د سيالۍ بنسټ ايښودونکو، پاول جوينسن هيکس او ټام سالم په دې نظر دي چې د مسخرې او د ژويو د حيرانونکو انځورونو د لارې د طبيعت حفاظت کېدای شي. په عکس کې د سعودي عربستان يوه غرنۍ بيزو ليدل کيږي.

د څمڅکي يا تين تېرک دغه عکس د آلمان په لويديځ کې د طبيعت په يوه ساتل شوې سيمه کې اخيستل شوی دی. هغه له ۷۰۰۰ عکسونو څخه غوره شوی دی. د جوينسن هيکس په خبره «وحشي ژوي حيرانونکي او د خندا وړ دي.»

د سږ کال سيالۍ ته ۴۲ عکسونه وروستي پړاو ته غوره شوي دي. په عکس کې د اوبو سپی ليدل کيږي چې خپل اولاد ته لامبو ورزده کوي. دغه عکس چي کي تېو په سينګاپور کې اخيستی دی.

دغه نولی د متحده آيالاتو په کولورادو کې يوه باز ته پوڅ ولاړ دی. له دې لارې هغه په تېښته هم بريالی کيږي. دغه عکس ارتور تېوينو اخيستی دی.

د انځورونو په سيالۍ کې بېلې ګټګورۍ شته، يعنې د ځمکنيو، سمندري او الوتونکو حيواناتو په برخه کې. دغه رنګين کربوړی په هند کې عکاس ته خپله غوسه څرګندوي.

جان سپيرس د سکاټلند په لويديځ ساحل کې د کوترو عکسونه اخيستل چې کتل يې يوه وچه پاڼه د دغې کوترې مخ پټ کړ. پيغام يې هم واضح دی، منی را روان دی.

د دغه کونګي عکس آنيتا روس د امريکا په کليفورنيا کې اخيستی دی. هغه کړېدلی او خواشيني برېښي. د حيواناتو د عکسونو د سيالۍ شعار «د سيالۍ د لارې د طبيعت ساتنه» ټاکل شوی دی.

د کريبين په کوراساو ټاپو کې دغه کب عکاس ته خپلې شونډې ښکاره کوي. فيليپ ستار دغه شېبه په ياد لري او وايي چې «ما د دغسې ښکلو شونډو د ليدلو تصور نه درلود.» د ۲۰۲۱ کال د ژويو د کامیډي عکسونو ګټونکي د اکتوبر په ۲۲مه اعلانيږي.