د نړۍ په بیلا بیلو هیوادونو کې د روژې نیولو وختونه څومره توپیر لري؟

په مکه کې د روژې نیولو وخت ۱۴ ساعته او ۳۵ دقیقي دی.

په عراق کي د مسلمانانو ۱۵ ساعته او ۳۰ دقیقي روژه وي.

په مصر کې د روژې نیولو وخت شا او خوا ۱۵ ساعته ۲۰ دقیقي دی.

په مراکش کې هم په روژې مياشت کي د ورځي شا او خوا ۱۵ ساعته او ۲۰ دقیقي د خلکو روژه وي.

په ترکيه کي روژه شا او خوا ۱۶ ساعته او ۳۰ دقیقي وي.

د آلمان په پلازمېنه برلین کې لومړۍ روژه شا او خوا ۱۷ ساعته او ۳۰ دقیقې ده. خو د روژې میاشتې په پای کې روژه ۱۸ ساعته او ۲۰ دقیقو ته رسیږي.

په استراليا کي بيا روژه یوولس ساعته او پنځوس دقیقي وي.

په چين کې شا او خوا ۱۶ ساعته او ۲۰ دقیقي روژه وي.

په واشنګټن کې د روژې نیولو وخت ۱۶ ساعته او ۱۰ دقیقو ته رسیږي.

د روسیې په پلازمینه کې د روژې نیولو وخت شل ساعته او لسو دقیقو ته رسیږي. د روسيې په شمال کې داسې سیمې شته لکه مورمنسک ښار چې د شمالي قطب تر دایرې دباندې وي، د دوبي په موسم کې هلته رڼا نه پریوځي. نو بیا ځیني دیني عالمان فتوی ورکوي چې دغه ځای ته د جغرافیایي لحاظه نزدې پرتو سیمو د وخت په مطابفت روژه ونیول شي.

په ناروې کي روژه ۲۰ ساعته او ۳۶ دقیقي وي.

په بريتانيا کي د روژې نیولو وخت شا او خوا ۱۹ ساعتونو ته رسیږي.

په ايسلند کي نژدې ۲۲ ساعته روژه وي.

په ارجنټاين کي د مسلمانانو د ورځي یوولس ساعته او دیرش دقیقي روژه وي.