د شمالي کوريا «جاسوسی سپوږمکۍ» د چمتووالي په ورستي پړاو کي
۱۴۰۱ آذر ۲۸, دوشنبه
اعلان
شمالي کوریا د «جاسوسي سپوږمکۍ» د جوړولو په برخه کې مهم ګام اخیستی دی. د ترلاسه شوو معلوماتو له مخې اوس یې تیاری وروستي پړاو ته داخل شوی دی. د شمالي کوریا رسمي رسنۍ ادعا کوي چې دغه »جاسوسي سپوږمکۍ« به د راتلونکي کال تر اپریل میاشتې پورې چمتو شي. د پیونګ یانګ ملي فضايي ادارې، ان ای ډي ای، ویلي چې دوی د سوها سپوږمکۍ سټیشن کې د «جاسوسي سپوږمکۍ» ازموینه په بریالیتوب سره ترسره کړې او دا په ګوته کوي، چې دغه سپوږمکۍ په ډير ښه توګه کار کوي.