د توپخانې په برخه کي د افغان ځواکونو د روزني بهير

افغان چارواکي وایي چې د ملي اردو ۲۱ تنو غړو یوه میاشت په هرات کې د ناټو د پریکړند ملاتړ ماموریت په مقر کې د «ډي سي» توپونو د انداخت زده کړې کړي دي.

هغوی به په ټول افغانستان کي په عملياتو کي د برخه اخيستو جوگه وي.

ويل کيږي چي د افغان ځواکونو توبچي برخه اوس تر پخوان پياوړې شوې ده.

د پريکړنده ملاتړ ماموريت يوه برخه د افغان امنيتي ځواکونو روزل دي.

افغان امنیتي ځواکونه په روانه جګړه کې د درنو وسلو کارونه د خپلو مخالفینو د ځپلو له پاره ډیره ارزښتناکه بولي.

په عین حال کې افغان ځواکونه د درنو وسلو له کمښته سر ټکوي.

نړيوال ځواکونه کوښښ کوي چي افغان انيتي ځواکونه په هره برخه کي و روزي.

د افغانستان د لویدیځو ولایتونو په ډله کې په وروستیو وختونو کې بادغیس او فراه ولایتونه د نورو په پرته د ډیرو امنیتي پیښو شاهدان دي.

افغان امنيتي ځواکونه د تمرين پرمهال.

د افغان چارواکو په خبره د ملي اردو ځواکونو وړتيا ورځ تر بلي مخ پر زياتېدو ده.