د «بی بي ترمپ» پر ملاء یې چاړه ور ښخه کړه

د امریکا ولسمشر دونالد ترمپ د شبنې په ورځ د متحده ایالاتو الاباما ایالت ته تللی وو. د هغه د سفر پر مهال یو کس د «بی بي ترمپ» په نامه هغه پوکڼۍ په چاقو وواهله او هوا یې ځنې و ایستله چې د لندن په مظاهرو کې مشهوره شوې وه.

دغه پوکڼۍ د احتجاج له پاره د الاباما ایالت تسکیلوسا (Tuscaloosa )  ښار ته وړل شوې وه، چیرې چې د الاباما او لویزیانا ایالتونو د پوهنتونونو  د فوټبال د لوبډلو ترمنځ سیالي روانه وه او ترمپ هم هلته تللی وو.

دغه پوکڼۍ د رابرت کینیډي له خوا (Tuscaloosa )  ته وړل شوې وه. کینیډي وایي چې د پوکڼۍ ترڅنګ تیریدونکو کسانو دې ته ورته څرګندونې کولې.

د امریکا د ۲۰۲۰م کال په ټاکنو کې د ترمپ دویم ځلي کاندیدیدو په غبرګون کې یو شمیر خلکو شعارونه ورکول» د ۲۰۲۰م ترمپ«، او ځنو به ورسره انځورونه اخیستل. د هغه په خبره یو کس د «بی بي ترمپ» پوکڼۍ په لیدو سره نا قراره معلومیده. دغه کس په پوکڼۍ کې د شا له خوا د سوري په کولو سره د هغې هوا ؤ ایستله.

زیاته شوې ده چې برید کونکی کس سمدستي له هغه ځایه وتښتید، خو لږ وروسته بیا د پولیسو له خوا ونيول شو.

کینیډي وایي: «ما د لومړي ځل له پاره ولیده چې یو څوک دې پر احتجاجي پوکڼۍ برید وکړي. دا خو د ډیر عجیب انداز غوسه ده.»

دغه پوکڼۍ نږدې ۲۰ فټه لوړوالی لري چې په نارنجې رنګ کې یو قهرجن ماشوم پرې انځور شوی دی. دې ماشوم پیمپرز اغوستی دی او په لاس کې یي مبایل تلیفون دی چې دا په یو ډول د دونالد ترمپ له خوا د تویتر بی ځایه استعمال ته اشاره ده.

د پولیسو په حواله ۳۵ کلن Hoyt Deau Hutchison په مجرمانه ناوړه چلند تورن شوی دی. داسې هم ویل شوي دي کله چې نوموړی د پولیسو له خوا ونیول شو هغه هلته پر موجودو رضاکارنو بد رد هم ویلي دي.

آژانسونه/ش.ن/ا.ا