اقتصادترکیه
د اوکراین څخه د غله جاتو لومړنۍ کښتۍ به استانبول ته ورسيږي
۱۴۰۱ مرداد ۱۱, سهشنبه
اعلان
د فرانسې خبري آژانس د «دې مرین ترافيک« په نوم ویب پاڼه له قوله ليکي چې په دغه کښتۍ کې ۲۶ زره ټنه غله بار ده. دغه کښتۍ د دوشنبې په ورځ سهار د اوکراين د اودیسه بندر څخه حرکت وکړ.
زیاته شوې ده چې دغه کښتۍ د تورې بحیرې په اوبو کې د ماینونو له شتونه په پاک شوي يو مسير کې په احتیاط سره مخته ځي. د تړون پر اساس له اوکراین څخه د غله جاتو انتقال د تورې بحیرې له بندرونو څخه ترسره کيږي. ترکېې د دغو عملیاتو له پاره په اوبو کې امن کوریدورونه یا لارې چمتو کړي دي.
د اوکراین او روسېې ترمنځ د غله جاتو د صادراتو د بیا پيل تړون د جولای پر ۲۲مه د ترکېې او ملګرو ملتونو په وساطت په استانبول کې لاسلیک شو. د دغه تړون له مخې به په اوکراین کې په ميلیونونو ټنه غله چې د جګړو له کبله بنده پاتې نړیوال بازارونو ته صادره شي.