تورنادو په امریکا کي سخت ځاني او مالي تاوانونه اړولي دي
۱۴۰۱ آذر ۲۳, چهارشنبه
اعلان
محلي چارواکو پرون سه شنبه خبر ورکړ چي د لویزیانا ایالت د فارمرویل په سیمو کي سخت باد او طوفان ډیر کورونه ونړول او یا یې سخت تاواني کړل. په خبره یې حداقل ۲۰ اوسیدونکي ټپيان سوي، چي ځیني یې سخت دي.
د پولیسو یوه ویاند CNN ته ویلي دي چي دا له ۱۷ کلونو راهیسي تر ټولو سخت تاوانونه دي چي رامنځته سوي دي. په ټلویزوني صفحو او ویدیوګانو کي نړیدلي ودانۍ او د برق چپه سوي پایې معلومیدلې.
په همسایه ایالت، تکزاس کي د هواپيژندني ادارې حداقل پنځه تورنادو (دوړدوړکه) مشاهده کړي دي. د دالاس په شاوخوا او امریکا په شمال کي نور اوه کسان هم زخمیان سوي دي.