امریکا غواړي په ۲ میاشتو کي خپل ځواکونه د افغانستانه وباسي

دغه خبره د سپیني ماڼۍ ویاند، جان پساکي پرون جمعه «د جولای میاشتي دوهمه) په واشنګټن کي وکړه. د امریکا د حکومت په حواله هغوی د بګرام نظامي اډه افغان هوايي ځواکونو ته تسلیم کړې ده.

د امریکا متحده ایالاتو جمهور رییس، جوبایدن اعلان کړی دی چي د طالبانو سره د سولي د تړون د یوې برخي په حیث اخري د همدې کال د سپټمبر تر ۱۱ پوري خپلي ټولي قواوي د افغانستان څخه باسي. خو دا هم ویل کیده، چي کیدلای سي هغوی د امریکا د استقلال تر ورځي، یعني د جولای تر څلورمي پوري ووځي.

په همدې حال کي د دې بیره موجوده ده، چي د خارجي قواوو تر وتلو وروسته به طالبان بیرته د قدرت اخیستلو کوښښ وکړي. هغوی د اونیو راهیسي د پرمختګ په حال کي دي. په ټول هیواد کي جنګونه او نښتي مخ پر ډيریدو دي.