افغان چارواکو ته د امریکا د سفارت خبرداری: فساد بند کړی
۱۳۹۹ بهمن ۲۵, شنبه
اعلان
د امریکا سفارت د یوې اعلامیې په نشرولو سره تشویش ښکاره کړی دی چي په لس هاوو افغان چارواکي د کرونا سره د مبارزې په تخصیص سوې بودجه کي د سؤ استفادې په دلیل لوی څارنوالۍ ته معرفي سوي دي.
د اعلامیې په یوه برخه کي راغلي دي، «د قانون دغه تر پښو لاندي کیدل، افغانانو ته نه یوازي د مالي لحاظه ضربه ورکړې، بلکي ضروري او لازمو صحي خدماتو ته یې د هغوی لاسرسی هم د خنډ سره مخامخ کړی دی. فساد بند کړی.»
همدا یوه اونی دمخه د افغانستان د کنټرول او تفتیش ادارې، ملت ته د حکومت د حساب ورکولو د پروګرام په چوکاټ کي، شخصي جیبو ته د کرونا د اختصاص سوي بودجې د لویدو او اختلاس تر ۲۲۰ اضافه حکومتي چارواکو د تورن کیدو څخه پرده پورته کړه.