اوکراين: پر ليويو ښار راکټي بريدونو کې لس کسان وژل شوي
۱۴۰۲ تیر ۱۶, جمعه
د اوکراين د کورنيو چارو وزارت په حواله د چهارشنبې له شپې راهيسې د استوګنې پر يوه سيمه باندې د راکټي بريدونو له کبله د درو ماشومانو په ګډون ۴۲ کسان ټپيان شوي هم دي. په ويډيوګانو کې ليدل کيږي چې د اوسېدو د يوه ستر بلاک لوړ پوړونه د توغنديو د اصابت له کبله په بشپړه توګه نړيږي.زیلنسکي: موږ کولی سوای د روسیې پر وړاندې ځوابي برید ژر پیل کړو
د رسمي شمېرو له مخې ټول ټال ۳۵ ودانيو ته زيان اوښتی دی. د ليويو په ښار کې د دوو ورځو له پاره ماتم اعلان شوی دی. سادووی ۱۶ مياشتې پخوا د روسيې له خوا پر اوکراين د يرغليزې جګړې له پيل راهيسې دغه بريد پر ملکي زېربنا تر ټولو سخته حمله بللې ده.
زياته کړې يې ده چې روسيې د »کاليبر« په نوم مارش توغندي پر ليويو ښار د بريد پرمهال کارولي دي چې د تورې بحيرې له لوري پر اوکراين ويشتل کيږي. دا هم ويل شوي چې د اوکراين دافع هوا سيستمونو له لسو څخه اووه توغندي په هوا کې خنثی کړي دي.په اټومي بټۍ کې د خطرناکو پارونکو کړنو په اړه د زيلنسکي خبرداری
ليويو د اوکراين په لويديځ کې د پولنډ له سرحد څخه يوازې ۷۰ کيلومتره لېرې پروت دی. په دغه ښار کې چې پخوا يې ۷۲۰ زره اوسېدونکي لرل، د اوکراين له ختيځ ډېرو جګړه ځپلو سيمو څخه راکډه شوي خلک هم ژوند کوي.
ډي پي ای/ن.ص./ن.ز.