د آلمان مرستندويه ټولنه افغانستان کې کارونو ته دوام ورکوي
۱۴۰۲ اردیبهشت ۱۹, سهشنبه
له « لوږې سره د مبارزې نړيوال سازمان« غواړي چې د طالبانو له خوا پر بندیزونو سربیره هم په افغانستان کې خپلو کارونو ته دوام ورکړي. دې سازمان د دوشنبې په ورځ وويل: « طالبانو له خوا د تیر کال د دسمبر په مياشت کې د ښځو پر کار له بندیز وروسته دغه نړیوالې ټولنې خپلې پروژې په موقت ډول د فبرورۍ تر نيمایي پورې ځنډولې وې».
دغه سازمان زياته کړې چې له طالب چارواکو سره تر خبرو اترو وروسته، هغوی ډاډ ترلاسه کړی چې له ښځو او نجونو سره د مرستو له پاره کوم خنډ نه رامنځ ته کيږي.
په افغانستان کې طالبان د ۲۰۲۱ م کال د اگست میاشتې راهیسی واک ته رسیدلي دي. کله چې هغوی په مرسته رسوونکو سازمانونو کې د يو څو سيمو پرته، پر ښځو د کار کولو بنديز ولگوو، نو د نړيوالو له سختو انتقادونو سره مخ شول. د دې په پايله کې زياتو سازمانونو خپلې ډيرې پروژې په موقت ډول ودرولې.
له «لوږې سره د مبارزې نړيوال سازمان« په افغانستان کې د بشري مرستو د کميدو په اړه اندیښنه لري. د دې سازمان په وینا تر اوسه پورې د هغو پېسو يوازې پنځه سلنه تامین شوي دي چې په ۲۰۲۳م کال کې ورته «د نړيوالو مرستو بندیز، د افغانستان کړکېچ نور ژوروي»د مرستو له پاره اړتيا ده.
«د نړيوالو مرستو بندیز، د افغانستان کړکېچ نور ژوروي»
په آلمان کې د دې سازمان عمومي منشی ماتياس موگه وويل: «ولږه او او فقر د هيرولو له گواښ سره مخ دي، ځکه په حقيقت کي د [افغانستان] دي فاکتو حکومت د ښځو د کار د بندیز پر خپل دريځ ولاړ دی او نړۍ له يو شمير بشري بحرانونو سره مخامخ ده.»
د م.م. يوه بل پلاوي له طالبانو سره خپلي اندېښنې شريکي کړي
د ملگرو ملتونو سازمان فعاليتونه هم د روان کال اپريل مياشت راهيسې د وضع شویو مقراراتو له کبله اغیزمن شوي، خو په وروستیو کې یې اعلان وکړ چې د خلکو د اړتياو له امله غواړي په دغه هېواد کې پاتې شي.
د ملګرو ملتونو عمومي منشي انتونیو ګوتېریش د معلوماتو په حواله، افغانستان په نړيواله کچه له ستر بشري ناورين سره مخ دی.