د امریکا د دفاع وزیر کابل ته رسیدلی دی
۱۳۹۸ اسفند ۱۰, شنبه
اعلان
کارپوهان وایي چې افغانستان ته د ایسپر او د ناټو د سرمنشي سفر په دې نیت ترسره شوی دی چې افغان حکومت ته ډاډ ورکړي چې امریکا او ناټو د افغانستان په تړاو خپلو پخوانیو ژمنو ته وفاداره ده.
تمه کیږي چې د شنبې په ورځ به په قطر کې د افغانستان له پاره د امریکا ځانګړی استازی زلمی خلیلزاد له طالبانو سره یو تړون لاسلیک کړي چې له مخې یې امریکایي ځواکونه په مشروط او تدریجي بڼه له افغانستان څخه وځي.
د دې په بدل کې به طالبان له ترهګرو سره خپلې اړیکې وشلوي او له افغانانو سره به خبرو ته کښیني.
تمه کیږي چې د طالبانو او امریکا متحده ایالاتو د تړون تر لاسلیکیدو وروسته به د ناټو سرمنشي او د امریکا متحده ایالاتو د دفاع وزیر به له افغانستان سره یوه ګډه اعلامیه خپره کړي.