انځورونه ـ روژه او د اسلامي هيوادونو دودونه

د روژې د مياشتي په رارسېدو سره په ټول افغانستان کي بيا د خورما د خرڅولو بازار تود دی. د دغه هيواد په تقريبا ټولو برخو کي په کوڅو او بازارونو کي د خورما بېلابېل اقسام خرڅلاو ته وړاندي کيږي.

د افغانستان د نورو برخو تر څنګ په پلازمېنه کابل کي ځانګړي خواږه شيان جوړونکي يا قناديان په روژه کي خپل کاروبار ته لا زور ورکوي او خپل توليدات زیاتوي. په روژه کي په افغانستان کي د خوږو شيانو استعمال هم جګيږي.

په افغانستان کي د روژې پر وخت د تقريبا ټولو خوږ شيانو توليد زياتيږي. په زياته بيا جلبۍ هغه خواږه دي چي زياتره افغانان يې خوښوي. د جلبيو توليد کوونکي د روژې د مياشتي د توليدي اړتياؤ د پوره کولو له پاره حتی د خپلو همکارانو شمېر جګوي.

د افغانستان په تقريبا هره برخه کي جلبۍ موندل کيدلای سي. په زياته بيا د افطار يا روژه مات پر وخت زيات افغانان د چايو سره جلبۍ په مينه خوري.

د افغانستان په زياتو برخو کي د روژې په مياشت کي د خوراکي توکو خيراتونه هم کيږي.

د روژې په مياشت کي په مسلمانو هيوادونو کي د ماخستن د لمونځ سره د تراوېح لمنځونه کيږي.

ايران چي پکښي اکثريت اوسېدونکي شعيه مذهبه دي، روحانيان يې پخپله د مياشتي تلاښ کوي او د نورو هيوادونو لکه سعودي عربستان سره ځان نه تړي.

په ايران کي د تهران دغه بازار په زياته وچي مېوې خرڅوي چي په زياته د روژې په مياشت کي يې استعمال زيات وي.

د افغانستان په څېر په پاکستان کي هم د وچي خورما استعمال په روژه کي ډير زيات سي. په دغه انځور کي د پاکستان د پيښور ښار د خورما يو خرڅوونکی ښيي.

د پاکستان د حيدرآباد خلک د روژې په مياشت کي دغه ځانګړې سره سوې ډوډۍ د شودو سره خوري.

په هند کي چيري چي د بې وزلو انسانانو شمېر هم زيات دی، د روژې په مياشت کي د خوراکي توکو زيات عمومي خيراتونه کيږي.

دغه انځور د لومړۍ روژې د تراويح لمونځ د سلطان احمد (مسجد آبی) په مسجد استانبول کي ښيي.

در ماه رمضان صوفیان و درویشان به رقص صوفیانه می پردازند.

په مصر کي خلک د روژې په رارسېدو سره ځانګړي لمانځني او خوشالۍ کوي.

دغه انځور په بيت المقدس کي د تراويح لومړی لمونځ ښيي.

دغه انځور په فلسطينۍ سيمه کي د روژې د مياشتي پر وخت د فانوسونو د خرڅلاو بازار ښيي.

د الجزاير په پلازمېنه الجزیره کي د خوږو شیانو دکان.

په تونس کي علما د روژې د مياشتي په تلاښ کي.

په اندونيزيا کي د يوګياکارتا په سيمه کي په روژه کي ځانګړي مراسم تر سره کيږي. په دې ترڅ کي مسلمانان د روژې د مياشتي په استقبال کي ځانونه په رودونو کي مينځي.

په اروپا کي په لسګونو مليونه مسلمانان ژوند کوي. اکثريت دغه مسلمانان د نورو هيوادونو څخه اروپا ته راکډوال سوي دي. هغوی هم د روژې د مياشتي له پاره بېل چمتووالی نيسي. دغه انځور په برلين کي د خوږو شيانو يو قسم انځوروي.

د بوسنيا او هرزګوينا په ښار سارايېوو کي په توپونو سره د روژې د مياشتي هرکلی کيږي.