Јункер: Влезот во ЕУ до 2025 е можен за сите балкански земји
26 февруари 2018
За време на посетата на Албанија, Јункер рече дека нема фаворити во трката за влез во ЕУ.
„Спротивно на она што го читам насекаде, Комисијата или јас не рековме дека Србија и Црна Гора ќе станат членки до 2025 година. Овој датум е отворен за сите земји кандидати“, рече Јункер во Тирана.
„Доколку некоја земја кандидат до тогаш, подоцна, или порано ги исполни сите критериуми за членство, ние ќе продолжиме на тој начин што ќе ги признаеме тие напори во ЕУ“.
Србија и Црна Гора засега се најнапред во обидот да станат членки на ЕУ. Двете земји веќе ги започнаа преговорите и отворија неколку поглавја, иако само неколку се затворени.
Според најавите од Брисел, Албанија и Македонија ќе добијат зелено светло за почеток на преговорите во јуни годинава.