1. Прескокни до содржината
  2. Прескокни до главната навигација
  3. Кон други страници на DW
Во фокус
Војна во УкраинаBalkan BoosterИзбори 2024
Најнови видеа
ТВ во живо

Хашки иследници во Хрватска ќе го испитуваат Љубе Бошковски

15 октомври 2004

Иследници на Хашкиот трибунал најавија дека ќе дојдат во Хрватска за да го испитаат поранешниот македонски министер за внатрешни работи, Љубе Бошковски. Бошковски, кој има и хрватско државјанство, беше уапсен ма 31 август во Бале, откако Македонија по него распиша меѓународна потерница во врска со случајот Раштански лозја, односно убиство на седуммина странски имигранти во Македонија.

https://p.dw.com/p/Ad34

Хашките иследници, кои подолго време водат истрага против Бошквски, планираат да го сослушаат во врска со убиството на седуммината имигранти од Пакистан и Индија во Македонија и за судирот на албанските бунтовници и македонските сили за безбедност во 2001-та година.

Иако истражителите најавиле дека ќе пристигнат во Хрватска на 7 ноември, адвокатот на Бошковски Звонимир Ходак изјави дека поранешниот македонски министер се уште не дал согласност за раѕговорите. Сепак тој додаде дека можно е неговиот штитеник да разговара со хашките иследници меѓу 8 и 11 ноември во загребскиот окружен суд во Реметница, но дека тоа зависи од сослушувањето на сведоците кои истражниот судија од Пула идната недела ќе ги испита во Скопје.

Во Пула неодамна беше поведена истрага околу случајот Раштански лозја од 2002-та, што треба да ги расветли околностите за смртта на имигрантите, кои на јавноста и беа претставени како странски терористи кои планирале напади врз странски амбасади во Скопје.

Судијата Ивица Станиќ, во Македонија треба да сослуша 22 сведоци и четворица притворени лица против кои е покренато обвинение за убиство на седуммината имигранти од Пакистан и Индија.