Солзи и утеха по финалето на Еуро2016

Додека светот ги очекува сликите од прославата на големата победа на Португалија на Европското првенство во фудбал, едно видео ги освои срцата на многумина.

Додека француски навивач плаче поради поразот на неговата репрезентација во финалето на Еуро2016, на снимката најпрво се гледа рака која му приоѓа и го милува. Во кадарот потоа се појавува мало момче во дрес на португалската репрезентација кое го теши и прегрнува францускиот навивач.

Откако францускиот навивач си замина, момчето продолжи да слави.