Фотографија на денот: Снежна бура во Германија

Германските метеоролози во текот на ноќта предупредија од нови снежни наноси во централниот дел на земјата. Германската железница најави дека се очекуваат големи проблеми во јавниот сообраќај.

Големата снежна бура вчера предизвика сообраќаен хаос во делови од Германија. Полицијата и пожарникарите имаа огромен број интервенции, мораше да бидат затворени замрзнати автопати, а возовите делумно не можеа да сообраќаат поради замрзнати електрични кабли.

На нашата #ФотографијаНаДенот трамвај со плуг за снег го расчистува снегот од пругите во Магдебург, каде поради големите наноси снег јавниот сообраќај беше привремено запрен.