Самит на ЕАПС во Охрид

Во Охрид денеска започнува вториот безбедносен форум на Евроатлантскиот партнерски совет. Дводневната средба официјално ќе биде отворена вечерва со поздравно обраќање на генералниот секретар на НАТО Јаап де Хоп Шефер и министерот за надворешни работи на Македонија Антонио Милошовски.

Шефот на македонската дипломатија очекува дека Форумот ќе ја претстави Македонија во добро светло , како земја која има да понуди повеќе од Партнерството .

На Форумот е најавено е присуство на делегации од 49 земји, од кои 20 на ниво на министри. Американската делегација ќе ја предводи амбасадорот во НАТО Викторија Нуланд.