Патнички авион се урна во Пакистан
28 јули 2010
Во Пакистан утринава се урна авион со 152 патници и членови на екипажот. Несреќата се случила во планинскиот регион во близина на главниот град Исламабад. Во авионот на пакистанскиот авиопревозник „Ер Блу“ имало 146 патници и шестмина членови на екипажот. Спасувачките екипи кои веднаш се упатија на местото на несреќата од урнатините досега извлекле пет човечки тела. Досега нема информации за преживеани ниту за причините за уривањето на авионот на втората по големина авиокомпанија во Пакистан.
Според информации на официјалното лице за цивилен и воздушен сообраќај, Первез Џорџ, авионот летал на релација Карачи - Исламабад. При слетувањето во тешки временски околности изгубил контакт со контролата на летање и се урнал.
Автор: СН/дв
Редактор Александдра Трајковска