Пакистан жали за исклучувањето од Комонвелтот

Пакистан изрази жалење по одлуката на организацијата на Комонвелтот да го исклучи од членство поради задржувањето на вонредната состојба во земјата.Одлуката е несоодветна и неправедна,изјави портпарол на Министерството за надворешни работи во Исламабад.

Комитетот на министрите за надворешни работи на Комонвелтот одлучи исклучувањето да важи се додека во Пакистан не се воспостави повторно демократијата,соопшти претходно генералниот секретар Дон Мек Кинон во Кампала.Во главниот град на Уганда денеска инаку започна самит на организацијата, на која и припаѓаат 53 држави,главно поранешни британски колонии.Пакистан не го испочитува рокот на Комонвелтот за укинување на вонредната состојба,кој важеше до вчера.