Опозицијата во Пакистан бара укинување на вонредната состојба

Опозицијата во Пакистан го повика претседателот Первез Мушараф да ја укине вонредната состојба пред одржувањето на парламентарните избори во јануари. Лидерот на опозицијата Беназир Буто изјави дека во спротивно изборната борба ќе биде многу тешка. По големиот меѓународен притисок и протестите на опозицијата Мушараф синоќа изјави дека изборите ќе се одржат на 9 јануари. Засега сеуште не се наведува термин за прекин на вонредната состојба. Мушара изјави дека вонредната состојба во земјата ќе остане на сила до денот на гласањето за да се обезбеди фер и транспарентен изборен процес. САД го критикуваа ваквиот став на Мушараф и побараа временска рамка за враќање на правата на граѓаните.