ЛШ: Барселона и ПСЖ во четвртфинале

Бајер Леверкузен во реванш натпреварот од осминафиналето против Пари Сен-Жермен се покажа постабилен, но сепак загуби со 1:2. Гостите го постигнаа првиот гол преку Сeм во 7.минута, шест минути подоцна израмни Маркињош, а конечниот резултат го постави Лавеци во 54.минута. По дебаклот од 0:4 во Леверкузен, сега играчите на Бајер покажаа подобра игра, но тоа не беше доволно против фаворизираниот ПСЖ. Спортскиот директор на Бајер Леверкузен, Руди Фелер, констатираше: „Сакавме да се збогуваме чесно и токму тоа го сторивме.“

Барселона на домашен терен, во интересен и динамичен натпревар забележа победа од 2:1 над Манчестер Сити. Лео Меси во 67.минута од натпреварот го постигна првиот гол за Барселона, во претпоследната минута Компани израмни на 1:1, а во 92.минута Дани Алвеш и‘ ја донесе победата на Барселона.

Преостанатите четвртфиналисти во Лигата на шампиони ќе бидат познати на 18. и 19.март, кога реванш мечевите од осминафиналето ќе ги одиграат Борусија Дортмунд и Зенит, Реал Мадрид и Шалке, Манчестер Јунајтед и Олимпијакос, односно Челзи и Галатасарај.