Бразилски одговор на „лудилото“ од регулативи на ФИФА

Ексклузивна зона. Вака ФИФА го нарекува просторот околу стадионите на Мундијалот и официјалните навивачки зони. Некои пак ги нарекуваат, зони на забрани, зашто во опсег од 2 километри смеат да се продаваат само производи на спонзорите на ФИФА, и тоа исклучиво од продавачи со лиценца.

На Копакабана во Рио де Жaнеиро „летечките“ продавачи меѓутоа се неизоставен дел од сликата на плажата, а првите две седмици од Светското првенство покажуваат дека тие и‘ пркосат на забраната на ФИФА. Бразилски одговор на „лудилото„ од регулативи на ФИФА.

Ледена и свежо миксана. Бразилскиот национален пијалок-каипириња- е најомилен и најпродаван меѓу фудбалските навивачи на Копакабана.

„Каипирињата навистина е вкусна. Да секој ја пие со задоволство. Едноставно е најдобра“, вели Виктор Нашименто, продавач на каипириња.

Меѓутоа она што им е вкусно на туристите, не значи дека е одобрено од ФИФА. Зашто, тука пред портите на навивачката зона, ексклузивно право на продажба имаат спонзорите. Наместо тоа, тука е како на пазар. Се продава сѐ и сешто- дури и маскоти на ФИФА, фалсификувани, како и повеќето нешта тука.

Дали се ова оригинали?- прашуваме. Не, се разбира не, вели еден продавач на дресови на фудбалските репрезентации. Тоа се копии, дополнува.

Теоретски - случај за редарите на плажата. Тие меѓутоа не изгледаат претерано ангажирани, да ги спроведат правилата на ФИФА. Пазарлакот непречено продолжува - директно пред нивните очи. Вилсон Нашименто вели: „Ако сега овде ни одредат казна, тогаш во името на ФИФА би ги казниле своите луѓе. 3000 продавачи се 3000 џепчии помалку, а со тоа и 3000 проблеми помалку за ФИФА и за Бразил“.

Затоа редарите порадо гледаат настрана и се прилагодуваат на овој мал бразилски бунт против строгите правила на ФИФА.