Забранета најголемата неонацистичка организација во Германија
21 септември 2011
Организацијата под плаштот на наводно хуманитарно згрижување на затворените десни екстремисти го јакне нивното националистичко убедување и ги мотивира на продолжување на „борбата против системот“, гласи образложението на Министерството за внатрешни работи на Германија за изречената забрана на нацистичката организација. Истовремено, кај водечки членови на организацијата во покраините Баварија, Долна Саксонија, Северна Рајна Вестфалија и Рајнланд Пфалц се извршени претреси.
Според Министерството, „Организацијата за помош на националните политички затвореници и нивните блиски“ била цел на темелен претрес уште минатата година. Во меѓувреме добиените податоци и нивната обработка довеле до сознанието-на организацијата може да и‘ се припише активна борба против демократскиот уставен поредок. Нејзината цел всушност не е ресоцијализација на казнуваните десни екстремисти, туку напротив, нивно зацврстување во криминалниот десноекстремистички спектар, под мотото „еден фронт-внатре, како и надвор“. Според актуелниот извештај на Службата за заштита на уставниот поредок, „Организацијата за помош на националните политички затвореници и нивните блиски“ е регистрирана во 1979 година и со своите 600 членови е најголемата активна неонацистика организација во Германија.
Автор: ЖА/ЕТ/дпа/афп
Редактор: Александра Трајковска