Дуел меѓу најдобрите два тима во Бундеслигата

Бранителот на титулата Бајерн Минхен и Борусија Дортмунд вечерва (17.05.) на Олимпискиот стадион во Берлин ќе го одиграат 71. финален меч од Купот на Германија.

Тренерот на Бајерн Минхен, Пеп Гвардиола нема да може да смета на Бастијан Швајншајгер, кој поради повреда нема да истрча на теренот. Наспроти ова Дортмунд може повторно да смета на голгетерот Роберт Левандовски.

Пред финалниот натпревар, почесниот претседател на Бајерн, Франц Бекенбауер е помалку скептичен во однос на шансите за победа на тимот од Минхен. Тој се надева дека Бајерн Минхен ќе биде подобрата екипа, рече Бекенбауер во Берлин. Познатиот „Кајзер“ меѓутоа оценува дека Борусија Дортмунд е во предност. Според него Борусија е во одлична форма, што не е случај со Бајерн.