Договорен пописот во Албанија

Пратениците во албанскиот Парламент вчера го изгласаа Законот за попис на населението и домаќинствата, кој ќе се спроведе во октомври. Министерот за иновации и технологии и претседател на Државната пописна комисија, Гец Поло пред пратениците изјави дека законот ги исполнува сите европски стандради и оти очекува да се спроведе попис по европски терк. Тој нагласи дека граѓаните на Албанија ќе може слободно да ја искажат нивната етничка и верска припадност и мајчиниот јазик. Претставниците на Македонците во Албанија велат дека од политички аспект гледано било добро што конечно Законот е донесен, но оти ни тие, ни претставниците на другите малцинства не веруваат во неговото реално спроведување.

Автор: АТ/миа

Редактор: Горан Чутаноски