Барнс: Македонија и Албанија треба да ја заслужат поддршката за НАТО

САД би сакале да им пружат иста поддршка на Албанија и Македонија за влез во НАТО, каква што и пружаат на Хрватска, но Албанија и Македонија треба да ја заслужат – изјави во Брисел потсекретарот на американскиот Стејт Департмент, Николас Барнс. Барнс не прецизираше што треба Скопје и Тирана да направат за да добијат силна поддршка на САД за членство во НАТО. Македонскиот амбасадор во НАТО, Нано Ружин, ваквата изјава на Барнс ја толкува како порака да се продолжи со реформите и политичкиот дијалог и времето да се искористи најрационално за Македонија да се наметне како подготвен иден член на алијансата.