1. Прескокни до содржината
  2. Прескокни до главната навигација
  3. Кон други страници на DW
Во фокус
Војна во УкраинаBalkan BoosterИзбори 2024
Најнови видеа
ТВ во живо

Авганистан повторно ги подели мислењата

6 април 2010

По жестоките битки во близината на Кундус на Велипеток (02.04.), во кои загинаа тројца германски војници, повторно се разгоре дебатата за вооружување и обука на германскиот Бундесвер во Авганистан.

https://p.dw.com/p/MoVB
Се дискутира за потребата од подобра опрема на војниците од БундесверотФотографија: AP

Досегашниот претставник за вооружување Рајнхолд Робе од Социјалдемократската партија на Германија (СПД), укажува на недостатоци во обуката и опремата. Тројцата загинати војници беа падобранци од Седорф, единица која ја посети претставникот за вооружување кратко пред неговото преместување во Авганистан. Притоа војниците се жалеле дека немаат доволно возила за да вежбаат за случај на престрелка, изјави Робе во едно интервју за дневниот печат.

Опременоста и обуката на Бундесверот

Ruprecht Polenz CDU
Политичарот Рупрехт Поленц (ЦДУ) смета дека војниците се добро обучениФотографија: picture-alliance/ dpa

Други политичари, пак, го истакнаа нивното барање за Бундесверот итно да се набават борбени хелихоптери и повеќе модерна радарска опрема. Политичарот од Христијанско-демократската унија на Германија (ЦДУ) Рупрехт Поленц не може да го сфати тоа. Политиката е добро советувана да не се стави во улога на заменик-командант, и според претседавачот на Одборот за надворешни работи таа мора да и‘ верува на одлуката на војската: „Мене во секој случај не ми е познато дека одредени конкретни барања на Бундесверот, поврзани со мисијата во Авганистан, не биле земени предвид. Поаѓам од тоа дека во оваа мисија ги праќаме нашите војници добро опремени и обучени, во поинаков случај не би можел да се даде одговор.“

Дебатата добива сосема нов правец

Bundesverteidigungsminister Karl-Theodor zu Guttenberg
Карл-Теодор цу Гутенберг и даде нов правец на дискусијатаФотографија: AP

Генералниот инспектор Фолкер Викер објасни зошто војниците на теренот не се поддржани од бомбардери од воздухот: Се ограничивме на ниски летови ("Show of force"), но со исклучок на употреба на оружје, оти не може да се исклучи изложувањето на опасност на останатите трупи и на цивилното население. По фаталниот воздушен напад од минатиот септември Бундесверот е особено внимателен во тој поглед.

Дебатата добива нов правец со тоа што министерот за одбрана Карл-Теодор цу Гутенберг сега зборува и за откажување од „војната“ во Авганистан, кое војниците веќе одамна го практикуваат. Тоа автоматски го отвара прашањето дали не се потребни повеќе борбени трупи со уште подобра опрема и поинтензивни подготовки за мисијата, за да ги победат Талибанците во Северен Авганистан. Можеби деталната истрага на смртоносната престрелка од Велипеток ќе доведе до овој резултат.

Автор: Нина Веркхојзер/Јасна Мушиќ Јанчулева

Редактор: Трајче Тосев