Рускиот министер за одбрана во посета на Северна Кореја

Воената соработка на Русија и Северна Кореја рапидно се зголемува, оцени рускиот министер за одбрана Андреј Белоусов, а соопшти руското Министерство за одбрана. Според Белоусов, кој е во посета на Северна Кореја, разговорите во Пјонгјаг треба да го зајакнат стратешкото партнерство во воената сфера помеѓу двете земји. Русокото Министерство за одбрана соопшти дека Белоусов му рекол на својот севернокорејски колега Но Кванг-чол дека Договорот за стратешко партнерство потпишан од Русија и Северна Кореја претходно оваа година има за цел намалување на ризиците од војна во североистична Азија и „одржување на рамнотежата на силите во регионот“.

САД ја обвинуваат Северна Кореја дека испраќа илјадници војници во рускиот регион Курск, каде руските сили се обидуваат да ги потиснат украинските војници. Москва тоа ниту го демантираше ниту го потврди.

Според западни наводи, Северна Кореја испорачува и муниција. Западот претпоставува дека за возврат на тоа, Русија ѝ помага за изградба на ракетната програма.