1. Прескокни до содржината
  2. Прескокни до главната навигација
  3. Кон други страници на DW
Во фокус
Војна во УкраинаBalkan BoosterИзбори 2024
Најнови видеа
ТВ во живо
КонфликтиКина

Кина воведува санкции против Пелоси

СН/агенции
5 август 2022

Посетата на претседателката на Претставничкиот дом на САД на Тајван дополнително ги зголеми тензиите меѓу Кина и САД. Пекинг сега најави и санкции против Ненси Пелоси - па дури и против нејзиното семејство.

https://p.dw.com/p/4FAS6
Пекинг ќе ги санкционира Пелоси и семејството поради нејзината посета на Тајван.
Пекинг ќе ги санкционира Пелоси и семејството поради нејзината посета на Тајван.Фотографија: Issei Kato/REUTERS

Кинеските власти денеска објавија дека воведуваат санкции за претседателката на Претставничкиот дом на САД, Ненси Пелоси поради нејзината посета на Тајван на почетокот на оваа недела.

Во соопштението на кинеското Министерство за надворешни работи се вели дека Ненси Пелоси ја игнорирала загриженоста на Кина и решителното противење на Пекинг за нејзината посета на Тајван, кој Кина го смета за дел од својата територија.

Претседателката на американскиот Претставничк дом, Пелоси (лево) за време на посетата на Тајван
Претседателката на американскиот Претставничк дом, Пелоси (лево) за време на посетата на ТајванФотографија: Taiwan Presidential Office/AP/picture alliance

Во соопштението се вели дека посетата на Ненси Пелоси била провокативна и оти го поткопува суверенитетот и територијалниот интегритет на Кина.

Повеќе: САД и Кина се на воен пат кој никој не го посакува

Се наведува дека ќе бидат воведени санкции против Ненси Пелоси и нејзиното потесно семејство, но не се прецизира какви ќе бидат санкциите.

Според новинската агенција Асошиејтед Прес, ваквите санкции се главно симболични.

Ненси Пелоси беше највисокиот американски функционер што го посети самоуправниот остров во последните 25 години. Кина го смета Тајван за своја територија и се противи на негов контакт со странски влади.