Зимски бури во САД

Стотици илјади домаќинства без струја, илјадници откажани летови - снегот создава големи проблеми во западниот дел од САД. Предупредувања од врнежи се издадени дури и во вообичаено сончевите региони, во близина на Лос Анџелес.

За сојузната држава Минесота, пак, метеоролозите предупредуваат: „Историската зимска бура веројатно ќе оневозможи патување. Ако мора да патувате, земете во автомобилот и ламба, храна и вода.“

Токму од Минесота, од градот Монеаполис, доаѓа и оваа фотографија, направена за време на вчерашната снежна бура.