Европски парламент: Десничарите не ја примаат назад АфД

Десничарската парламентарна група „Идентитет и демократија“ (ИД) во Парламентот на ЕУ засега  не сака повторно да ја прифати АфД и покрај исклучувањето на контроверзниот врвен кандидат Максимилијан Крах од нејзината парламентарна делегација. Портпаролот на колидерката на АфД, Алис Вајдел, го потврди соодветниот извештај од списанието Политико. Шефицата на Националниот собир на Франција, Марин Ле Пен и други претставници на ИД ја донесле оваа одлука на состанок во Брисел.

По минимизирачките изјави на Крах за националсоцијалистичката СС, ударната тупаница на Хитлер, политичката група „Идентитет и демократија“ во Европскиот парламент ја исклучи АфД  непосредно пред европските избори. За да можат повторно да се приклучат, мнозинството од новоизбраните пратеници на АфД одлучија во понеделникот по изборите да не го вклучат Крах во својата делегација.

Според Крах, ова претставува грешка, истакнувајќи дека тоа нема да ја предомисли групата ИД. АфД не треба да дозволи странска партија да диктира со кого ќе се кандидира АфД, истакна Крах.

Десничарскиот табор во Европскиот парламент се реорганизира по добивките на изборите: Десничарската популистка Ле Пен во средата се состана на консултации со лидерот на италијанската Лега Матео Салвини и други претставници на групата ИД во Брисел. Според првичните изборни резултати, пратеничката група на ИД има 58 пратенички места, девет повеќе од минатата.

Ле Пен веќе се огради од АфД по тајниот состанок одржан во Потсдам на кој  станало збор за „ремигрирање“. Сепак,  АфД го постигна својот најдобар резултат  досега на европските избори во неделата со 15,9 проценти.