1. Прескокни до содржината
  2. Прескокни до главната навигација
  3. Кон други страници на DW
Во фокус
Војна во УкраинаBalkan BoosterИзбори 2024
Најнови видеа
ТВ во живо

Иванов и Друцас на одвоени средби со Нимиц

19 септември 2010

Во рамките на заседанието на Генералното собрание на ОН дипломатите најавуваат нови средби на страните во спорот околу името со медијаторот на ОН, Метју Нимиц.

https://p.dw.com/p/PG5b
Посредникот Метју Нимиц: има ли нови предлози за решавање на спорот?Фотографија: Petr Stojanovski

Претседателот на Република Македонија Ѓорге Иванов доцна вечерва во Њујорк ќе се сретне со медијаторот на Обединетите Нации во грчко-македонскиот спор за името, Метју Нимиц. Средба со Нимиц утре претпладне треба да има и шефот на грчката дипломатија Димитрис Друцас. Нема најава за евентуални директни контакти меѓу македонската и грчката делегација, кои во Њујорк учествуваат на Генералното собрание на ОН.

Македонскиот претседател утре ќе се обрати на Самитот посветен на милениумските цели, а ќе присуствува и на состанокот на Глобалната иницијатива што ја предводи поранешниот американски претседател, Бил Клинтон. Предвидено е Иванов во Њујорк да учествува и на вечера организирана од актуелниот претседател на САД, Барак Обама и да се сретне со македонски иселеници.

Автор: ГЧ/СН/миа