1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Bala'i

Aikin ceto bayan zabtarewar kasa

Muntaqa Ahiwa SB
December 16, 2022

Ma'aikatan agajin gaggawa na ci gaba da aikin ceto bayan Ibtila'in zaftarewar kasa ya halaka rayuka a kasar Malesiya.

https://p.dw.com/p/4L2Rn
Malesiya | Bala'in zabtarewar kasa
Malesiya inda aka samu bala'in zabtarewar kasaHoto: Malaysia Civil Defence/AP/picture alliance

Kimanin mutane takwas ne rahotanni ke cewa sun mutu da sanyin wannan safiya wannan Jumma'a a tsibirin Genting na kasar Malesiya, sakamakon iftila'in zaftarewar kasa. Bayanai na cewa akwai ma wasu sama da mutum 50 da suka bace bayan faruwar lamarin a wani yanki da ke samun bakuncin masu yawon shakatawa.

Kimainin mutane 80 ke a wajen lokacin da ibtila'in ya faru, kuma jami'ai na cewa an yi nasarar ceto mutane 23 kawo yanzu.

Tsibirin Genting dai na cikin gundumar Selnagor da ke da karfin arziki a Malesiya, kuma a baya ya sha fama da bala'in zaftarewar kasar. Tsibiri da ke da kyawun gaske ga mutane daga sassa daban-daban na duniya na zuwa ziyarar kashe kwarkwatar ido.