1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

'Yan Boko Haram sun kashe sojojin Nijar

Muntaqa Ahiwa
March 10, 2019

Ma'aikatar tsaro a Jamhuriyar Nijar, ta sanar da rasa sojojin kasar akalla bakwai tare da garkuwa da daya, a wani hari da kungiyar Boko Haram ta kai yankin Diffa da ke a kudu maso gabashin kasar.

https://p.dw.com/p/3EjhG
Nigeria Soldaten
Hoto: I. Sanogo/AFP/Getty Images

Mayakan na tarzoma sun kai harin ne wani wajen da ake kira Gueskerou da ke cikin yankin na Diffa, inda sojojin a nasu bangaren suka yi nasarar kashe 'yan bindigar 38.

Yankin na makwabtaka da cibiyar Boko Haram da ke a arewa maso gabashin Najeriya. An kuma yi nasarar kwace motoci biyar daga maharan da kuma makamai a cewar ma'aikatar ta tsaro.

A farkon watan Janairun bana, sojojin kasar ta Nijar suka kashe sama da 'yan kungiyar ta Boko Haram 280 a wasu hare-hare da suka kai masu ta sama da kuma kasa. Sabon harin dai shi ne na biyu cikin kasa da wata guda da aka gani a yankin na Diffa.