1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye

Amirka ta nuna bacin ranta ga Yoweri Museveni kan ICC

Kamaluddeen SaniMay 13, 2016

Wakilan kasashen Amirka da Kanada dana EU sun fice daga bikin rantsar da shugaban kasar Yuganda Yoweri Museveni a ranar Alhamis din nan, a wani yunkurin yin adawa da kalaman shugaban.

https://p.dw.com/p/1InAy
Uganda Präsident Yoweri Museveni in Kampala
Hoto: Reuters/E. Echwalu

Wannan matakin da suka dauka ya zo ne jim kadan da bayyanar shugaban kasar Sudan Omar Hassan al-Bashir da hukumar ICC take nema ruwa jallo a bisa take hakkokin bil adama a yayin bikin rantsar shugaban Yoweri Musevenin.

Tun dai a yayin jawabin sa a gaban dubban wadanda suka hallara a bikin rantsar dashi shugaba Yoweri Museveni yayi shagube ga hukumar ta ICC wacce ya bayyana a matsayin hukumar da ke kunshe wasu mutane da basu da alkibla.

To sai dai a ta cewar mai magana da yawun ma'aikatar harkokin wajen Amirkan Elizabeth Trudeau, tawagar Amirka gami da wakilan Kungiyar Tarayyar Turai da kasar Kanada sun kauracewa bikin ne domin yin adawa da kalaman shugaba Yoweri Museveni.