1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye

Sabon musayar wuta a Ukraine

Lateefa Mustapha Ja'afarSeptember 17, 2014

Rahotanni daga garin Donetsk na kasar Ukraine na nuni da cewa wasu fararen hula biyu sun rasa ransu sakamakon sabon fada da ya barke a gabashin kasar.

https://p.dw.com/p/1DDrd
Hoto: Getty Images/AFP/Anatolii Stepanov

Dama dai a 'yan kwanakin an saba jin karar harbe-harbe tsakanin bangaren gwamnatin Kiev da na 'yan awaren a yankin da ke da masana'antu wanda kuma 'yan aware masu goyon bayan Rasha ke da karfi duk kuwa da sanya hannu kan yarjejeniyar tsagaita wuta da bangarorin biyu suka yi. 'Yan awaren masu goyon bayan Rasha dai sun yi maraba da batun tagaita wutar sai dai sun kafe a kan cewa dole ne a basu 'yancin cin gashin kansu a matsayin kasa mai cikakken iko da suka kira da "New Rasha" wato sabuwar Rasha ke nan. Kasashen Yamma dai na zargin Rasha da iza wutar rikicin Ukraine din da aka kwashe tsahon watanni biyar ana yi, zargin da mahukuntan Moscow ke ci gaba da musantawa suna masu cewa ba hannunsu a ciki.