1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Liu Xiaobo babban dan fafutika ya rasu

Salissou Boukari
July 13, 2017

Dan kasar China na farko wanda ya samu kyautar zaman lafiya ta Nobel a shekara ta 2010, ya rasu a wannan Alhamis din yana dan shekaru 61 da haihuwa.

https://p.dw.com/p/2gVEY
China Liu Xiaobo, Aktivist 1995
Marigayi Liu Xiaobo babban dan fafutika na kasar Chaina.Hoto: Reuters/W. Burgess

Sakataran harkokin wajen Amirka Rex Tillerson ya nuna girmamawarsa ga marigayi Liu,  inda ya ce ya kasance babban dan adawa mai fafutika na kasar ta China wanda ya rasu bayan da ya yi fama da cutar dafi. Marigayin ya sadaukar da rayuwarsa ce wajen ci gaban kasarsa ta China da kuma ci gaban al'umma.

Cikin wata sanarwa Sakataran harkokin wajen na Amirka ya yi kira ga hukumomin kasar ta China da su saki uwargidan marigayin Liu Xia daga tsaron da ake yi mata a cikin gidanta tare da barinta ta fita daga kasar ta China kaman yadda take fata. Marigayin Liu ya rasu ne ba tare da mulkin na komunisanci na kasar ta China ya barshi ya yi sauran rayuwarsa a kasashen waje cikin inci kaman yadda ya yi fata ba.