1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye

Kotun ICC tayi watsi da tuhumar da ake wa William Ruto

Kamaluddeen SaniApril 6, 2016

Kotun kasa da kasa da ke tuhumar masu tafka manyan laifuffuka ta ICC tayi watsi da zarge-zargen da ake yiwa mataimakin shugaban kasar Kenya William Ruto abisa rashin kwararan hujjoji.

https://p.dw.com/p/1IQ0x
Kenia William Ruto
Hoto: picture-alliance/AP Photo/B. Curtis

Shi dai William Ruto gami da Joshua Sang da ke zama dan jarida an zarge sune da ruruta wutar rikicin kabilanci a inda mutane sama daubu dari suka hallaka sakamakon tarzomar zabubbukan kasar ta Kenya a shekara ta 2007.

Alkalan da ke a kotun ta birnin Hague ta kuma bayyana cewar babu sauran zarge-zarge a don haka sun rufe tuhumar da ake ma mutanen biyu, a inda ta kara da cewar wadanda suka shigar da karar suna kalubalantar su sun gaza kawo kwararan hujjoji

Tuni dai Joshua Sang da ke zama daya daga cikin wadanda ake tuhuma yayi wa Allah godiya tare da godewa al'ummar Kenyan baki daya.