1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Katanga tsakanin Amirka da Mexico

Lateefa Mustapha Ja'afar MNA
February 4, 2019

A wani kokari na dakile kwararar bakin haure daga Mexiko, Amirka ta tura karin sojoji da za su shimfida wayoyin kaya a kan iyakar kasashen biyu.

https://p.dw.com/p/3Cf6A
USA Grenze Mexiko SOldaten Pioniere Stacheldraht
Hoto: picture-alliance/AP Photo/E. Gay

Ma'aikatar tsaron Amirka ta sanar da sake tura dakaru 3750 zuwa kan iyakar kasar da Mexiko, abin da ya kara yawan dakarun Amirkan da ke kan iyakar kasashen biyu zuwa 4350.

Baya ga tsaron kan iyakar, sojojin kuma za su shimfida wayoyi masu kaya har na tsawon kilomita 240, a kokarin hana 'yan ci-rani shiga Amirkan ba bisa ka'ida ba.

A cewar ma'aikatar tsaron ta Amirka, sojojin za kuma su sanya kamarori na tafi da gidanka domin hangen masu son tsallakawa zuwa Amirkan.