1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Jamus ta cimma matsaya kan 'yan gudun hijira

Ramatu Garba Baba
June 30, 2018

Shugabar gwamnatin Jamus ta sha da kyar a kokarin ceto gwamnatin hadakar kasar daga wargajewa bayan da ta samu daidaito da kasashen Turai kan magance matsalar kwararar 'yan gudun hijira da ya zame ma ta babban kalubale.

https://p.dw.com/p/30aWe
Trump Merkel
Hoto: Picture alliance/AP Photo/M. Schreiber

Daman a watan gobe ne wa'adin da aka bai wa Merkel ke cika kan samar da mafita ko kuma ta fuskanci barazanar rushewar gwamnatin hadakar da aka kafa bayan da a ka kwashi dogon lokaci ana kai ruwa rana.

Yanzu za a soma mayar da 'yan gudun hijirar da suka shigo kasar daga wata kasar Turai, cibiyar da aka tanadar musu a yayin da Jamus  ke ci gaba da duba cancartasu na zama a kasar.

Tuni dai Merkel ta mika sakamakon wannan yarjejeniyar da ta cimma da wasu kasashen yankin goma sha hudu a gaban jagororin jam'iyyun hadakar. A zaman taron na jiya Juma'a na birnin Brussels an yarda a samar da wasu cibiyoyin karbar 'yan gudun hijira a wasu kasashen da ba na Turai ba.