1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaGabas ta Tsakiya

Isra'ila ta kai wa Hezbollah hari tare da kashe-kashe a Gaza

Mouhamadou Awal Balarabe
October 20, 2024

Sojojin Isra'ila sun sanar da cewa sun kai hare-hare a wurare 175 a yankin Falasdinawa da kasar Lebanon a cikin sa'o'i 24 da suka gabata, ciki har da ma'ajiyar makamai da wuraren harba rokoki na Hamas da Hezbollah.

https://p.dw.com/p/4m0RO
Wasu sassan birnin Lebanon na ci gaba da shan luguden bama-bamai daga sojojin Isra'ila
Wasu sassan birnin Lebanon na ci gaba da shan luguden bama-bamai daga sojojin Isra'ilaHoto: Hussein Malla/AP/picture alliance

Sojojin Isra'ila sun yi ruwan bama-bamai a tungaye da dama na kungiyar Hezbollah a birnin Beirut da kudancin kasar Lebanon. Sannan suna ci gaba da kai farmaki a kan Hamas a Zirin Gaza, inda wani harin ya yi sanadin mutuwar mutane fiye da 70 a ranar Asabar, a cewar jami'an agajin gaggawa.  A yakin da suke yi da wadannan kungiyoyi da Iran ke mara wa baya, sojojin Isra'ila sun sanar da cewa sun kai hare-hare a wurare 175 a yankin Falasdinawa da kasar Lebanon a cikin sa'o'i 24 da suka gabata, ciki har da ma'ajiyar makamai da wuraren harba rokoki na Hamas da Hezbollah.

Karin bayani: 

Isra'ila ta ce wannan hafsnta sojanta ya mutu a farmakin, yayin da a nata bangaren, kungiyar Hezbollah ta dauki alhakin hare-haren rokoki da aka kai birnin Haifa, da wani sansanin soji da ke kusa da Safed da ke arewacin Isra'ila, da kuma kan wasu sojojin Isra'ila a kudancin Lebanon.