1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaAmurka

Trump ya sanar da mutumin zai kori bakin haure daga Amurka

Abdoulaye Mamane Amadou Abdourahmane Hassane
November 11, 2024

A daidai lokacin da ake dakon rantsar da shi kan madafan iko karo na biyu, sabon shugaban Amurka Donald Trump ya sanar da wani shakikinsa a matsayin shugaban hukumar da ke sa ido kan iyakokin kasar.

https://p.dw.com/p/4mrNP
Zababben shugaban kasar Amurka Donald Trump
Zababben shugaban kasar Amurka Donald TrumpHoto: Julia Demaree Nikhinson/AP/dpa/picture alliance

Zababben shugaban Amurka Donald Trump ya bayyana rikakken na hannun damansan nan Tom Homan a matsayin shugaban hukumar shige da ficen iyakokin kasar, daga wasu nade-naden da shugaban ke yi a gabanin rantsar da shi kan madafan iko.

Karin Bayani : Shugabannin duniya na taya Trump murnar lashe zabe

A cikin wani sakon da ya wallafa a shafinsa na sada zumunta Truth Social, sabon shugaban Amurka Donald Trump ya ce ba wani wanda ya fi cancanta da rike mukamin na kula da iyakokin kasar fiye da Tom Homan, wanda Donald Trump ya kira da cewa zai yi iya kokarinsa na korar duk wasu 'yan kasashen ketaren da ke zaune a kasar ba kan ka'ida ba.

Karin Bayani : Donald Trump ya ayyana lashe zaben Amurka

Daman Tom Homan ya taba rike mukamin shugaban hukumar a wa'adin Shugaba Trump na farko wanda a lokacin gwamnatinsa ta kori kusan yara dubu hudu ta hakikance ba sa da hurumin zama cikin kasar.