An samar da kwayar maganin corona

Hukumar ta ce ana iya amfani da maganin mai suna Paxlovid ga marasa lafiyar da ke dauke da alamomin corona da ba su yi tsanani ba, domin kaucewa ta'azzarar cutar. Hukumar ta FDA ta nunar da cewa, Paxlovid ne maganin kwaya na farko na kwaya da aka amince a yi amfani da shi a Amirkan. Za dai a rinka bayar da maganin ne tare da umurnin likita, sai dai kuma za a bayar da shi kyauta. Gwamnatin Amirka ta yi odar fakiti miliyan 10 na kwayar maganin da kudinsa ya kama kimanin dalar Amirka biliyan biyar da miliyan 300.