1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaAfirka

Chadi ta soke yarjejeniyar tsaro da Faransa

Musa Tijjani Ahmad
November 29, 2024

A daidai lokacin da Najeriya ke fadi-tashin yaukaka dangantaka da Faransa, kasar Chadi kuwa ta sanar da yanke duk wata alaka da kuma yarjejeniya ta tsaro da Paris.

https://p.dw.com/p/4nYAF
Sojojin Faransa a yayin da suke rangadi a yankin Sahel
Sojojin Faransa a yayin da suke rangadi a yankin SahelHoto: Sebastien Rieussec/Hans Lucas/IMAGO

Ministan harkokin wajen Chadi Abderaman Koulamallah shi ne ya tabbatar da hakan ga kamfanin dillancin labarai na AFP, tare kuma da kira ga Faransar wacce ta yi wa kasar mulkin mallaka da ta mutunta soke yarjajaniyar, kuma wannan mataki bai da alaka da yankar kaunar da kasashen Mali da Nijar da Burkina Faso suka yi wa Faransa. Akalla akwai Sojojin Faransa 1000 a kasar Chadi.

Karin bayani: Kulla alakar tsaro tsakanin Chadi da Nijar 

Faransa dai na fuskantar matsin lamba daga kasashen da ta yiwa mulkin mallaka, baya ga tsamin dangantaka da kasashen AES, a baya bayan nan shugaban kasar Senegal Bassirou Diomaye Faye ya sanar da cewa baya bukatar ganin dakarun sojin Faransa a kasarsa.