1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

An samu karancin allurar riga-kafin sankarau a Najeriya

Mohammad Nasiru Awal
March 30, 2017

Sama da mutane 280 cutar sankarau ta yi ajalinsu tun sake barkewarta a Najeriya a cikin watan Nuwamban bara.Jihohin Arewa maso Yammacin kasar suka fi fama da ita.

https://p.dw.com/p/2aNF7
Nigeria Falumata Muhammed trotzt Boko Haram
Hoto: DW/A. Kriesch

Najeriya na fuskantar karancin allurar riga-kafin cutar sankarau da ta yi sanadiyyar rayukan akalla mutane 280 tun barkewarta a cikin watan Nuwamban 2016, inji manyan jami'an kiwon lafiyar kasar. Shugaban cibiyar yaki da cututtuka masu yaduwa a Najeriya, Chikwe Ihekweazu ya ce kawo yanzu sun yi rajistar mutane kusan 2000 a fadin kasar da ake zaton sun kamu da cutar amma 109 kawai aka tabbatar, tun bayan rahoton farko a jihar Zamfara.

Jihohin Zamfara da Sakkwato da Katsina da Kebbi da kuma Neja su ne suka fi fama da cutar a wannan karon. Wani jami'in cibiyar ya bayyana karancin allurar da cewa babban lamari ne.