An kawo karshen zaben Indiya

Sama da Indiyawa miliyan 100 da ke yankin mazabar Varanasi ta Firaminista Narendra Modi, suka kalmashe zaben kasar da aka fara cikin watan jiya.

Firaminsta Narendra Modi, na neman ci gaba da mulki na sabon wa'adin shekaru biyar a babbar kasar da ta fi kowacce girman dimukuradiyya a duniya.

Mazabar ce dai ta tula wa Firaministan kuri'un da suka ba shi rinjayen hawa karaga a shekarar 2014.

A ranar 23 ga wannan watan ne kuwa za a fara lasafta kuri'u a zaben na Indiya.