1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

An tsare masu gwanjon mata a internet

Abdul-raheem Hassan
January 4, 2022

Hukumomi sun yi kamen farko na wasu mutanen da ake zargi da kirkiro manhajar karya, don tallata hotunan mata a yanar gizo ba tare da saninsu ba.

https://p.dw.com/p/458X4
Malala Yousafzai | Tokyo, Japan
Hoto: Rodrigo Reyes Marin/ZUMA/imago images

'Yan sanda a kasar Indiya sun kama wasu matasa biyu mace da miji, wandan da ake zargi da hannu a samar da manhajar boge inda ke gwanjon hotunan fitattun mata musulmai.

A makon jiya ne hotunan wasu fitattun mata musulmi 'yan Indiya fiye da 100 suka cike manhajar "Bulli Bai" ba tare da izinin su ba, ciki har da 'yan jarida da masu fafutuka da taurarin fina-finai da masu fasaha har da mahaifiyar wata daliba 'yar Indiya da ta bace mai shekaru 65 da Malala Yousafzai wacce ta lashe kyautar Nobel.

Tuni dai hukumomi suka soke manhajar da ake gwanjon hotunan duk da cewa an riga an wallafa hotunan su da dama, amma ba a cimma wani ciniki ba.